Bakıda Aerokosmik Modelçilik Festivalı keçiriləcək

Aprelin 12-də İnnovasiyalar Mərkəzi / Innovations Centernin dəstəyi, “Yeni Texnologiaların İnkişafına Dəstək” ictimai birliyinin təşəbbüsü ilə Hövsan qəsəbəsində yerləşən Aviamodellərin uçuş meydançasında “Aerokosmik Modelçilik Festivalı” keçiriləcək.

Festivalın əsas məqsədi və fəaliyyət istiqaməti, Azərbaycanda raket və peyk modelçiliyi idmanının kütləviləşməsinə və inkişafına kömək etmək, innovativ gənclərin hərtərəfli və ahəngdar inkişafında və sağlam həyat tərzinin formalaşmasında bu texniki idman növünün rolunu artırmaqdan ibarətdir.

Bakı şəhəri Xəzər rayonu Hövsan qəsəbəsində yerləşən Avia-modellərin uçuş meydançasında «Aerokosmik Modelçilik Festivalı təşkil ediləcəkdir.

Festival çərçivəsində 5 (beş) komandanın iştirakı ilə müxtəlif kateqoriyalar üzrə yarışların keçirilməsi, aviaşou, raket modellərinin, kvadrokopterlərin və təyyarə modellərinin nümayişi nəzərdə tutulmuşdur.

Aerokosmik Modelçilik Festivalı iştirakçılara texniki idman növü kimi aerodinamika, aerokosmik mühəndislik, elektronika və mexanika sahəsində biliklərini praktiki olaraq təkmilləşdirmək üçün şərait yaradacaqdır. 

Qeydiyyat

İştirak etmək ödənişsizdir!

Ⓜ️Koroğlu metrosundan festivalın olacaq yerinə bir saatdan bir pulsuz avtobuslar aparıb gətirəcək.

Agenda / Tədbirin proqramı