Almaniya vizası necə alınır? - TAM İZAHLI!

Almaniya vizası necə alınır? Keçən ilin ikinci yarısı və bu ili nəzərə alsaq ölkəmizdə viza müraciətlərinə ədalətli baxılmasına görə ən dəqiq işləyən və ən az şikayət edilən səfirliklərdən biri Almaniya səfirliyidir. Tək keçən ay sənədləri və gəlirləri qaydasında olan, lakin mənasız bəhanələrlə digər səfirliklərdən imtina cavabı alan ona qədər tanıdığım insan təkrar müraciət zamanı Almaniyadan müsbət cavab alıblar. Almaniya səfirliyinin viza məsələləri üçün seçdiyi səlahiyyətli şirkət Vizametrik-dir. Yəni viza üçün konsulluğa yox, Vizametrikə müraciət etməliyik. Ünvan: D.Əliyeva küçəsi 106, Winter Park Plaza, 1-ci mərtəbə. [email protected] +994125998812 Əvvəlcə aşağıdakı link vasitəsilə görüş vaxtı (appointment) təyin edirik: https://www.visametric.com/Azerbaijan/Germany/az/office/ ☘️ Sonra aşağıda tələb olunan sənədləri hazırlayırıq. 1. İmzalanmış və tarix qoyulmuş ərizə-anket (application form). Bu formanı həm onlayn qaydada, həm çap etdikdən sonra əllə doldurmaq mümkündür. Asan yol onlayn qaydada doldurub çap etməkdir. Ərizə-anket (application form) formasını onlayn qaydada doldurmaq üçün link: https://videx.diplo.de/videx/desktop/index.html#start 2. Xarici passport. Müraciət edilən vizanın bitəcəyi tarixdən sonra ən az 3 ay etibarlı olmalıdır, ən az 2 boş səhifəsi olmalıdır, fotoşəkil olan səhifə və əvvəlki Şengen vizaları, möhürlər və qeydlər olan səhifələrin surətləri çap edilməlidir. 3. Şəxsiyyət vəsiqəsi (əsli + ön və arxa səhifələrin surəti). 4. Biometrik pasport şəkli (3,5 x 4,5 sm). 5. Səyahət sığortası. Sığorta ödənişinin minimal məbləği 30.000 € olmalı və bütün Şengen dövlətləri üçün etibarlı olmalıdır. 6. Hotel rezervasiyası, qalmaq yerinə dair sübut və ya Almaniyada daşınmaz əmlak sahibi olmağınıza dair sübut. 7. Aviabilet bronu və ya uçuş / səfər biletlərinin gediş-gəliş üçün iki tərəfli reservasiyası haqqında sübut. Səfirlik vizanın əldə edilməsindən əvvəl təyyarə biletlərinin alınmasını qətiyyən məsləhət görmür❗️ 8. Səfər xərclərinin maliyyələşdirilməsi üçün maddi vəsaitə dair sübut. Bank hesabından və ya kartlarından son 3 ay üzrə çıxarışlar. Mütəmadi gəlirin olmasına dair sübut (maaş hesabından çıxarış. Vergi ödənişlərinə dair sənəd. 9. Azərbaycanda iqtisadi və ailə bağlarınızın olduğunu sübut edən sənədlər (əgər müvafiq sənəd varsa): Ən yaxın ailə üzvləri haqqında sübut (evlilik şəhadətnaməsi, doğum şəhadətnaməsi, şəxsiyyət vəsiqəsinin surəti). Daşınmaz əmlaka sahib olmağınıza dair sübut və ya uzunmüddətli kirayə, yaxud lizinq razılaşması. 10. Mütəmadi gəlirin olmasına dair sübut. Təqaüdçülər: təqaaüd arayışı. Işləyən şəxslər: iş yerindən elektron arayış və ya iş yerindən rəsmi blank üzərində möhür, imza, tarix və aşağıdakı məlumatlar göstərilən rəsmi arayış: (əsli ingilis dilində və ya Azərbaycan dilində olmaqla ingilis yaxud alman dillərində tərcüməsi ilə) - müəssisənin tam şəkildə ünvanı, telefonu faks nömrələri - imzalayan şəxsin adı və vəzifəsi - işçinin adı, vəzifəsi, məvacibi və işlədiyi müddət. Sərbəst peşə fəaliyyəti ilə məşğul olanlar: Dövlət qeydiyyatı barədə şəhadətnamə və Vergi Ödəyicisinin Eyniləşdirmə Nömrəsi (VÖEN). Şagirdlər/Tələbələr: məktəbə və ya ali məktəbə qəbul olmaqları haqqında sübut. Sənədləri təqdim etdikdən sonra 2-15 iş günü ərzində cavab hazır olur və müraciət edən şəxsə bildirilir. Qeydlər: ✅Azərbaycan dilində olan sənədlər ingilis və ya alman dilinə tərcümə olunmalıdır. ✅Xərclər: 35€ rüsum və 28€ xidmət haqqı. https://www.visametric.com/Azerbaijan/Germany/az/p/ruesumlar Müəllif: Elşən İsmayılov – Səyahət bloqqeri Azərbaycan Turizm Blogerləri Assosiasiyası Deutsche Botschaft Baku / Almaniya Səfirliyi Bakı #travellingthroughtheworld #cheapflights #butaairways #flyazal #flybuta #flyazal #Azal #butaairways #uçmaqüçündoğulanlar #travelblogger #travel #travelgram #visitgeorgia #vizita #Wizzair #Ryanair #visitgermany #germany #munich #frankfurt #berlin #cologne #visametrik #bavaria #hamburg #hannover #deutschland