“Gənclərin tədqiqat bacarıqlarının artırılması” layihəsi

Əziz gənclər! Tədqiqat və araşdırma üzrə yeni biliklər və bacarıqlar əldə etmək istəyən gənclər üçün “Gənclərin tədqiqat bacarıqlarının artırılması” layihəsini təqdim edirik. Sözügedən layihə ölkəmizdə tədqiqat mədəniyyətinin gücləndirilməsini və gənclərin tədqiqat və araşdırma bacarıqlarının artırılmasını hədəfləyir. Bu məqsədə nail olmaq üçün layihə çərçivəsində müraciətçilər arasından seçilmiş 20 gənc üçün təlimlər təşkil oluncaqdır. Təlimlər aşağıdakı mövzuları əhatə edəcəkdir: Elmi işlərin yazılmasında müasir yanaşmalar; Tədqiqat təklifinin və sualının formalaşdırılması; Məlumatların toplanması və analizi; Akademik məqalənin yazılması qaydaları; Tədqiqat aparmaq üçün keyfiyyət və kəmiyyət metodologiyası. Əgər siz də bu layihədə iştirak edərək tədqiqat aparmaq üzrə bilik və bacarıqlarınızı gücləndirmək istəyirsinizsə o zaman qeydiyyatdan keçməyə tələsin. Layihə 11 fevral 2023-cü il tarixində saat 11:00-18:00-da Bakı şəhərində həyata keçiriləcəkdir. Layihədə iştirak ödənişsizdir! Son qeydiyyat tarixi: 07 fevral 2023-cü il Qeydiyyat linki: https://forms.gle/TzCHewDCv1c2ZsSa7 Qeydiyyatdan uğurla keçmiş namizədlərlə layihədə iştirakla bağlı qeyd etdikləri e-poçt vasitəsi ilə əlaqə saxlanılacaqdır. Qeyd edək ki, sözügedən layihə Azərbaycan Respublikasının Gənclər Fondunun “İdeyanı reallaşdır 2022” fərdi qrant müsabiqəsinin qalib layihələrindən biridir və Azərbaycan Respublikasının Gənclər Fondu və “Erasmus Tələbə Şəbəkəsi-Azərbaycan” İctimai Birliyinin dəstəyi ilə həyata keçirilir.