Sumqayıtda velo-yürüş keçiriləcək

Azərbaycan Respublikasının Elm və Təhsil Nazirliyi, Abşeron-Xızı Regional Gənclər və İdman İdarəsi və Sağlam Düşüncə Gənclər Təşkilatının birgə təşkilatçılığı ilə 22 sentyabr 2023-cü il tarixində (saat 18:00-da) “Ekoloji və sağlam nəqliyyat - Velosipedin təbliği” adlı velo-yürüş keçiriləcək. Məqsəd Sumqayıt şəhərində velosiped idman növünə marağı artırmaq, velosipedin yalnız idman vasitəsi kimi deyil, gündəlik sağlamlığa xidmət edən nəqliyyat vasitəsi kimi də istifadəsini genişləndirməkdir. Yürüş Sumqayıt şəhəri Heydər Əliyev Mərkəzindən start götürəcək və bulvar ərazisində yekunlaşdırılacaq. Şəhər sakinlərini velo-yürüşə qoşulmağa dəvət edirik! Velo-yürüşdə iştirak üçün qeydiyyat vacibdir. Qeydiyyat üçün son tarix: 19 Sentyabr 2023-cü il, saat - 23:59 Velo-yürüş 22 sentyabr 18:00-da “Ümümdünya avtomobilsiz günü” - də baş tutacaqdır. Velo-yürüş Heydər Əliyev mərkəzindən start götürüb bulvarda çay fasiləsi ilə sonlanacaq və ümumilikdə 9 km-lik məsafəni əhatə edəcəkdir. Qeyd edilən velo-yürüş yalnız məktəblilər üçün olmayıb şəhəri velo-şəhərə çevirmək istəyən hər bir Sumqayıt sakini üçün açıqdır! Qeyd: Dəbilqəniz varsa istifadə olunması arzuolunandır. Əlavə olaraq sizə təşkilat tərəfindən köynəklər veriləcəkdir. Əgər şəxsi velosipediniz yoxdursa təşkilat sizi velosipedlə təmin etmir, lakin icarə verilən yerlərdən (Bazarstore arxası) icarəyə götürə bilərsiniz. Qeydiyyat üçün: bit.ly/44SXKyS Əlaqə: Telefon: +99455 823 72 90 Email: [email protected] #Gənclərİdman #AzərbaycanGəncləri #Azərbaycanİdmanı #Velo #Yürüş #AXRGİİ #SDGT #Birkimibirlikdə