Tusi-Bohm Planetariumda “Astronomiyada Əsas Anlayışlar” kitabı və “Fəza və Zamanın Elçiləri” filminin təqdimatı keçirildi

21 oktyabr 2025-ci il tarixində Park Bulvar Ticarət Mərkəzinin 4-cü mərtəbəsində yerləşən Tusi-Bohm Planetariumda “Astronomiyada Əsas Anlayışlar” kitabının və “Fəza və Zamanın Elçiləri (Messengers of Time and Space)” sənədli filminin təqdimatı keçirildi. Tədbir Həvəskar Astronomlar Cəmiyyəti tərəfindən, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilən “Azərbaycanda Astronomiya Təhsilinin Təşviqi” layihəsi çərçivəsində təşkil olunub.

Tədbir iştirakçıları əvvəlcə yeni nəşr olunmuş – “Astronomiyada Əsas Anlayışlar” kitabı ilə tanış oldular. 

Layihənin rəhbəri Faiq Nağıyev təqdimat nitqində kitabın məqsədi və layihənin ümumi nəticələri barədə danışdı. ETN N.Tusi adıma Şamaxı Astrofizika Rəsədxanasının baş elmi işçisi , AMEA-nın müxbir üzvü Əyyub Quliyev astronomiyanın təbliği layihələrinin vacibliyin qeyd edərək bu kitabım geniş ictimaiyyət üçün çox yaxşı vəsait olduğun qeyd etdi. Daha sonra Tusi-Bohm Planetariumunun rəhbəri Famil Mustafa layhə çərçivəsində tərcümə olunan və səsləndirilən sənədli film haqqında məlumat verərək onun maarifləndirici əhəmiyyətini vurğuladı.

Tədbirin sonunda iştirakçılar filmi izlədilər və birgə xatirə şəkilləri çəkdirdilər.