Zaqatala gəncləri üçün "Sahibkarlığın inkişafı" mövzusunda təlimlər həyata keçirilib

  Zaqatala gənclərinin maarifləndirilməsi üçün “Sahibkarlığın inkişafı - təcrübə, imkanlar və nailiyyətlər” mövzusunda təlimlər keçirilib. 4 gün davam edən layihə çərçivəsində Zaqatalanın Car, Aşağı Tala, Muxax və Danaçı kəndlərində yaşayan, sahibkarlığa marağı olan gənclər üçün iki hissəli təlim proqramı təqdim olunub. Birinci hissədə təlimçi İlkin Həbilov tərəfindən layihə iştirakçılarına “Mən biznesmen ola bilərəm?”, “Nə üçün biznes?”, “Biznes qurmağa qarşı olan içimizdəki müqaviməti necə aradan qaldıraq?”, “Biznesmen hansı keyfiyyətlərə sahib olmalıdır?” mövzularında ətraflı məlumat verilib. İkinci hissədə isə iştirakçılar “Biznesdə doğru zaman formaları”, “Biznesin formaları hansılardır?”, “Biznes sahələri” və “Doğru biznes ideyasının seçimi” mövzularında məlumatlandırılıblar.