"NatiqSən" layihəsinin qiymətləndirmə və bağlanış mərasimi keçirilib

Azərbaycan Gənclər Fondu / Azerbaijan Youth Foundation elan etdiyi XI qrant müsabiqəsi çərçivəsində qalib olan "NatiqSən" layihəsinin 9 və 10 fevral tarixlərində qiymətləndirmə və bağlanış mərasimi keçirilib. Layihə rəhbəri Azərbaycan Respublikası Prezidenti yanında Dövlət İdarəçilik Akademiyasının III kurs tələbəsi Güntəkin Mehnətlidir. Layihənin məqsədi Neftçala şəhərində yaşayan 11-ci sinif şagirdlərinin natiqlik qabiliyyətinin inkişaf etdirilməsi və onlarda sosial problemlərə qarşı diqqətin artırılmasıdır. Layihə 5 mərhələdən ibarət olmaqla açılış mərasimi, 2 günlük təlimlər, qiymətləndirmə və bağlanış mərasimindən ibarətdir.